Kitang tanan gusto nga ang atong mga bata mo tubo nga malipayon ug himsog - ug dili kaayo paspas. Apan ang pagtubo mahitabo nga paspas kaysa sa atong gihunahuna. Ang syensiya sa utok nagpakita kanato nga ang unang lima ka tuig sa kinabuhi sa bata mao ang sukaranan sa pondasyon sa ilang tibuok kaugmaon.
Gikan sa pagkatao hangtod nga sila mag-edad 5, ang utok sa bata mo tubo ug paspas kompara sa laing panahon sa ilang kinabuhi. Giklaro kini sa syensya nga ang kalidad sa eksperyensiya sa kinabuhi sa bata sulod sa sayong bahin sa ilang kinabuhi — maayo man o dili -- magtabang ug holma sa pagtubo sa ilang utok. Kini nga mga eksperyensiya dako ug epekto sa ilang panglawas ug abilidad sa pagkat-on ug magmalamposon sa eskwelahan ug sa ilang kinabuhi.
Sa First 5 Hawai’i, dedekado kami nga mohatag sa impormasyon sa pamilya, kagamitan ug mga kahinguhaan nga makasuporta sa himsog nga paglambo ug pagkat-on sa mga keiki gikan sa pagkatao hangtod nga sila mag edad 5 anyos. Kami nagtoo nga pinaagi sa paghatag gahum sa ginikanan ug sa mga naghatag pag-atiman ug husto nga mga kahinguhaan, kami makatabang sa paghatag sa matag bata nga makabaton ug maayong pagsugod sa kinabuhi.
