Mga aktibidad nga nahiuyon sa pangidaron: 2-3 Mga Panuigon
Mga Butang nga Trabahoon:
- Pagkat-on ug istorya (Kalamboan sa Linguahe)
- Palihok sa dako ug gamay nga kaunoran ( Dinagko o ginagmay nga paglihok sa lawas)
- Pagsunod sa mga direksyon
- Imahinasyon nga dula
- Pagkat-on maylabot sa pagbati ug mga higala (Sosyal ug emosyonal nga kahanas)
Mga ideya nga kalihokan
Ang dagko nga puzzle makatabang sa imong anak nga makakat-on unsaon pagsulbad sa mga problema ug mapauswag ang kamot-mata nga koordinasyon.
Sundoga ang mga tingog sa hayop ug hangyoa ang imong bata nga tag-anon o sundogon ka pabalik. Kini magtabang kanila nga mag-istoprya ug maminaw.
Pasagdi ang imong anak nga magbobo, mag kalos, ug mag sablig ug tubig gamit ang tasa ug mga balde. Kini maayo kaayo alang sa sensorya nga dula ug maggamit sa ilang gamay nga unod sa kamot.
Pagtudlo sa mga butang sa sulod ug gawas sa balay ug panganli kini. Kini makatabang nila nga makakat-on ug bag-o nga mga pulong.
Ibutang ang mga dulaan ug bloke sa matag grupo sa samang kolor, gidak-on, o porma. Kini magtabang kanila nga sayong mahanas sa matematika.
Pagdula nga makalingaw, paspas nga mga kanta ug ingna imong anak nga mo lihok ug mo sayaw. Kini magtabang kanila sa ilang koordinasyon ug pagsabay sa tugtog.
Ang sayon nga pagdula sa bata makatabang nila nga mo tubo! Kini nga mga aktibidadis makatabang nila nga mo lihok, makigbanding nimo, ug makakat-on sa ilang mga sentido. Kini naglakip sa pagpakulob, hinay nga musika, ug pagdula ug dulaan.
Ang mga bata makakat-on pinaagi sa pagdula! Kini nga makapalingaw nga mga aktibidad makatabang nila nga mag-istorya, mag gamit sa ilang mga kamot, ug makigdula sa uban. Kini naglakip ug pagpatong ug mga bloke, pag-awit ug mga kanta, ug pagpakaaron-ingnon nga dula.
Niini nga pangidaron, ang mga bata masukitsukiton ug puno ug enerhiya! Kining mga sayon nga mga aktibidad makatabang sa pagpauswag sa ilang pinulongan nga kahanas, ug pag-anad kanila nga makigdula sa uban nga higala.
Ang Preschoolers ganahan magsuhid ug maghimo ug mga butang! Kini nga mga aktibidad makatabang kanila nga mag-istorya, maghunahuna, ug magdula kauban sa uban. Kini naglakip sa mga puzzle, istorya sa mga puppet, ug paglakaw sa kinaiyahan.
Ang mga bata maandam sa pag-iskwela pinaagi sa pagkat-on sa ilang dula! Tistingi ang aktibidad nga makatabang nila sa paghunahuna,istorya, ug paglihok sa ilang lawas. Kini naglakip sa ekspirimento sa syensiya, pagsaysay ug mga istorya, ug dula sa mga letra.
Alang sa dugang impormasyon sa milyaheng pag-uswag bisitaha ang CDC’s Developmental Milestones